新玩具

第一次返崇拜

第一次返崇拜, 好早起身食奶; 第一次參加肥叔叔帶敬拜, 好投入去唱; 第一次聽梁牧師講道, 好有道理; 第一次隔5個鐘頭先有得食奶, 好肚餓...

我最愛的小玩意

最近每次當我大哭時,爸爸媽媽竟佷懂得我的心意.....哈哈...拿虫虫搖搖大搖特搖,唔知點解,我就唔會再喊啦,真神奇!!!....可是爸爸媽媽姨姨們的手就好可憐了.....

打手印

喺9月30日, 爸爸媽媽趁我一個不留神, 就幫我"畫押"了, 究竟幫我應承咗啲咩呢? 唔通係幫我落定order, 搵奚仲文叔叔做番件同Kelly姐姐一樣咁靚嘅婚紗比我? 哈哈, 多謝多謝!

今夜星光燦爛

"鬧市這天, 燈影串串..." 各位, 招呼唔到, 飲多杯, 飲多杯... 未去到銅鑼灣嘅酒樓, 喺屋企我已經喺我嘅座駕嬰兒車度綵排定今晚滿月酒嘅rundown, 務求以最佳狀態同uncles, aunties, 姐姐哥哥見面! 諗起都開心, hee hee... zzzz.zz......zzzz (瞓著咗添) 咦, 點解咁燦眼呢? 原來已然到咗銅鑼灣... 四圍都係霓虹光管, 周圍都係人, 哇, 仲有個大電視添! 咁嘅環境, 最好都係繼續躺係daddy懷中, 不過, 我仍然會偷偷地, 掹大對眼晴, 看璀璨的夜景.

招財貓

Bye Bye 陪月姨姨

二零零八年九月十九日, 陪月姨姨走了. 嗰日我同陪月姨姨玩咗好耐, 食完姨姨餵我晚上6點嗰餐奶之後, 我眼光光咗好耐, 諗返姨姨幫我 set up 嘅睡覺地方, 教爸爸媽媽換片餵奶, 幫我洗白白, 叫我盡情去享受洗白白嘅樂趣 (而家沖涼我都唔喊嫁!), 風雨中抱我去健康院檢查, 仲照顧埋媽媽嘅起居飲食... 諗吓諗吓, 諗吓諗吓, 諗到瞓著咗, 一瞓就瞓到差不多凌晨先再起身食奶. 謝謝姨姨!

1-month old birthday

今日係我嘅滿月生日, Yeah!!! 係這一個月裡, 我已經可以飲100ml嘅奶了,所以我重了1.22kg, 身長長了2cm,頭大了2cm,絕對無浪費爸爸媽媽嘅奶粉錢嫁!!!

中秋節快樂!

爸爸媽媽同我第一年過中秋, 今日亦係我四個禮拜嘅生日! 係呢度祝各位中秋節快樂, 人月兩團圓!

捧奶樽

四個禮拜大, 我可以自己捧起個奶樽了!

出世紙

爸爸媽媽同我去攞出世紙. 我好開心, 因為我可以向各位隆重宣佈... "DONE DONE DONE DONE"... 我叫"伍諾晴"啦! 仲有, 我嘅英文併音係"Ng Nok Ching", 英文名係"Bernice", 爸爸係"伍時聰", 媽媽係"黃麗鴻", 婆婆係(出世紙冇寫喎)... 都係介紹住咁多先啦!

Bernice 米袋

自從有一晚被雷聲吵醒後, 好多時我睡覺都會無端端嚇醒. 媽咪特別幫我做咗個米袋, 仲繡咗我個名落去添, 用嚟壓驚喎.

玩具

同媽媽玩咗一日, 終於等到爸爸放工了! 爸爸行到邊, 我就望佢望到邊. 爸爸好開心, 仲攞埋個玩具出嚟同我玩添! 個玩具擺到邊, 我又望到邊. 開學日(9月1日), 第一次玩玩具, 又幾好玩喎!

奶粉

2008年9月1日, 第一罐奶粉飲完.

Kyle 哥哥

大我六個月嘅Kyle哥哥, 我哋"擊(腳)掌為盟"... 咪住先... 我瞓緊覺架喎...

大我四天的朋友仔

終於第一次見面見到朋友仔Ivana了! 佢好似好眼瞓咁, 成日係度瞓. Ivana只不過大我四日, 點解佢會有咁多頭髮嘅?

颱風後 去"街街"

2008年8月23日, 昨天刮了九號風球, 去唔成健康院撿查. 今天風球除下, 便急不及待地第一次去街街. 哇! 路上周圍的樹都倒下了不少! 我就無理咁多, 一於瞓係陪月姨姨溫暖嘅臂彎中. 原來, 睇醫生都可以咁舒服!

洗白白

第一次係屋企沖涼, 真係好驚跌落水. 好彩陪月姨姨一路比條毛巾我捉住, 都冇咁驚! 而且我仲冇喊添, 係咪好叻呢?

翻屋企喇!

2008年8月20日, 出院了! 爸爸緊張地抱著我回家, 抱住我隻手郁都唔敢郁, 沿路又目不轉睛地望著我, 怕我睡得唔夠舒服.

爸爸第一次抱我

第一次比爸爸抱, 舒唔舒服?

睇我個樣就知啦!

大眼晴

第一次睜開眼

見爸爸 見媽媽

媽媽做完手術, 一路都冇機會落床去嬰兒室見我. 等咗一日, 晚上護士推我到媽媽床邊, 終於第一次見到爸爸同媽媽了! 我地好似明星咁, 伯伯同姨姨都係咁用相機同我地映相!

我出世啦!

2008年8月17日早上, 我喺聖保祿醫院出世, 重7.4磅. 由於臍帶纏住我的關係, 當時我"爬"不到媽媽的盤骨口, 需要進行手術. 媽媽進入手術室後不夠一小時, 我便出世了! 在麻醉藥下, 出世時媽媽仍在熟睡中. 護士推我出手術室, 爸爸和伯伯既緊張又興奮地為我拍了第一張照片.