笑到"卡卡"聲

今日係 4 日公眾假期嘅最後一日，我把握著呢日，盡情咁同 Daddy Mommy 玩! 玩到"卡卡卡卡"聲 ，Daddy， Mommy 同我都笑到收唔到口!

Merry Christmas!

聖誕節，爸爸媽媽特別帶咗我呢個聖誕 bb 到中環周圍走. 原來... 聖誕節係咁有氣氛，聖誕節嘅裝飾係咁靚嘅...! 我當然目不轉睛周圍望啦! Merry Christmas!

聖誕洗禮

今日係貫之，Ivana 同我嘅大日子! 我哋一齊係今日洗禮呢! 爸爸媽媽好開心，因為有主與我哋同行!

4-month old birthday

我 4 個月大喇! 160ml 奶我己經唔夠飲，而家我己經要飲180ml 了! 我攞野已經可以攞到好實，而且一攞到，我就會即刻擺入口食，哈哈! 當我對腳掂住地下嘅時候，我仲識"行"添! 無聊嘅時候，我就會"pu" (玩口水)...

搖鼓

我天生就係一個Band友! 唔信嘅話，你就睇吓我玩搖鼓玩得幾出色! 我搖，我搖，大力搖...

送機

媽媽到上海出差，適逢係星期日，爸爸特別帶我到機場送媽媽機. 第一次搭咁長途嘅車，沿途真係有好多風景睇! 機場亦都好大，每樣野都係既新奇，又有趣，睇到我目不暇給! 爸爸仲創咗一個紀錄，就係喺巴士上一個人沖奶同埋餵奶喇! 媽咪，3 日後見!

"初試提步"

媽媽抱住我企係度，點知我就行吓行吓，行咗幾步，成為咗我嘅"初試提步"!

海盜船

我最鍾意就係刺激嫁啦! 而最刺激嘅玩意... 莫過於海盜船啦! 我開心到笑到"卡卡"聲添!

3-month old birthday

我 3 個月大喇！ 我最鍾意就係照鏡．開心嘅時候，我仲會"卡卡卡"咁笑出黎添．仲有，就係我可以自己伸手去攞野喇！

Funny Baby Funny Photos

食手手

我同好多bb一樣, 就係好鍾意食手手嫁! 你睇, 幾咁"好味"!

我攞到嘢啦!

Julia (玩具) 嘅吸引力好大嫁! 為咗同佢玩, 我往往都會出盡力氣, 瞄準目標, 拎起隻手, 捉實佢! 今晚我特登夜啲先瞓, 等爸爸放工翻黎, 係佢面前表演比佢睇!

最緊要好玩

Kyle哥哥見我咁好動活潑, 特登借咗呢張網床比我玩. 不過, 好快我就要將呢張網床交返比Kyle細佬啦, 所以我要把握每一個係呢張網床玩嘅機會, 大踢特踢, 大玩特玩! 哈哈!

食藥

　　　

　　

昨晚被打咗兩枝針, 今朝一早就覺得比平日熱. 探熱之後, 原來係有少少發燒! 伯伯同嬸嬸就帶備咗藥水比我飲. 睇見就驚! 飲落仲.... 雖然難飲, 不過好有效. 晚上就退燒了!

5 合 1 針 + 多1 針

星期日晚, Daddy Mommy 係我瞓到半夢半醒嘅時候, 帶咗兩個神秘人 (醫生伯伯和護士嫂嫂) 嚟, 仲諗住同佢地玩. 點知一個不留神, 就比人左髀一針, 右髀一針, 嚇到我"哇"一聲喊咗出嚟...

搭地鐵

第一次撘地鐵, 由九龍塘地鐵站返家.

Kyle 哥哥家

今日好興奮, 因為到咗Kyle哥哥家玩... 最重要嘅, 就係佢屋企有好多嘢食同埋好多嘢玩嫁! 有好大張嘅 play mat啦, 好好味嘅檸檬批啦, 同埋抱得我好舒服嘅 uncle 同 aunty 啦!

飲奶歌

係邦邦叔叔嘅強壯臂彎中, 我一邊瞓覺, 一邊嘆奶... 突然間, 聽見悠揚的歌聲, "... 你飲奶奶, 我飲奶奶...", 聽到我都自自然然地一口一口地飲奶奶... 今個禮拜嘅BB金榜冠軍, 唔使講, 梗係呢首"人人都應該飲奶奶"啦!

2-month old birthday

2個月生日了! 係呢個月, 我食得多咗, 我又肥咗, 我亦好鍾意周圍望來望去, 少咗皺眉, 笑多咗, 開心嘅時候, 我仲會同人"咿咿呀呀"添!

我好似爸爸

10月13日晚, 爸爸同我映相. 佢話我個樣同表情真係好似好似佢喎! 你地話我係咪好似爸爸呢?

孭帶

媽媽第一次用孭帶帶我去街. 同媽咪咁close, 真係舒服到瞓覺都甜啲!

杞子龍眼茶

媽媽每天都會飲一杯杞子龍眼茶 (聽講仲有埋百合同炒米係茶裏面添!) 保身. 今日, 10月11日, 屋企嘅杞子同龍眼都用晒了... 不過, 媽媽話, 她身體已經復原, 飲埋呢杯就唔使再買杞子同龍眼煲茶了!

破紀錄

各位, 我終於打破咗自己嘅食奶紀錄, 就係8個鐘頭唔使食奶啦! 凌晨12點食一餐, 夜晚唔使起身, 第朝8點鐘先要再食另一餐! Yeah!

媽媽探媽媽

今日媽媽好開心,因為佢終於係生BB後重嘗雪糕的滋味了! 不過, 我幾時先有得食呢...? 同時, 媽媽又探訪咗貫之媽媽, 映咗幅大合照添! 咁我又幾時先可以見貫之同佢一齊映相呢?